نصائح ساخرة لأولاد الذوات
بقلم:عمادالدين حسن
تلقيت من صديق عزيز، رسالة على البريد الإليكترونى، تلقاها بدوره من صديق آخر تلقاها من مجهول.
الرسالة تقدم دليلا إضافيا على مدى خفة دم المصريين، وقدرتهم العجيبة على السخرية من أنفسهم وواقعهم وحكومتهم... كما تكشف عن أننا شعب نتحدث كثيرا وننجز القليل. الرسالة كان مفترضا أن تنشر بالأمس، لأنها تقدم نصائح ساخرة بالطبع لأولاد الطبقة الراقية عن كيفية تجنب النزول إلى الشارع والبهدلة «المفترضة» أثناء مظاهرات المعارضة فى عيد الشرطة.
لكن وبما أن مظاهرات الجياع والمحرومين لن تتوقف قريبا، فإن الرسالة تظل صالحة.
وقبل أن تقرأ عزيزى القارئ، فلابد لكى تستوعب السطور القادمة، أن تكون ملما بالإنجليزية ولو قليلا، والأهم أن تكون على دراية بتكنولوجبا الاتصال الحديثة. وشخصيا أنا لم أعرف معظم المصطلحات إلا بعد استشارة الصديق شريف المعلم.
وإلى نص الرسالة:
«لما الشعوب بتقوم بثورات، الطبقة اللى بتثور عادة فى رأيى الشخصى المتواضع، ما بتبقاش الطبقة اللى عندها Connection DSL.
عمرى ما سمعت عن قائد ثورة عنده account على Twitter، أو بيعمل اجتماعات مجلس قيادة الثورة على Group فى Facebook. أنا أسمع أنهم بيوزعوا منشورات للتحريض على الثورة، إنما الثورات اللى بتقوم بالـBBM دى.. أنا لسه ما سمعتش عنها.
لكل أصحاب الـBroad Band والـWi-Fi والـBlackBerries، بليز يا جماعة إعملوا Abort للثورة دى. أى واحد عنده PlayStation أو Wii أو Ipad أو Ipod أو Imac أو أى I خلقها ربنا.. أرجوكم. Stay at home.
أى واحد ساكن على النيل، أو فى Compound أو فى فيللا أو حتى شقة فى أكتوبر أو الربوة أو الصفوة أو الهفوة.. عشان خاطرى...Take Care. أى حد بيخرج فى Sequoia أو بياكل من عند الحاج Mori بتاع الـ Sushi أو بيروح Sangria أو Cairo Jazz Club أو Club 35 أو Cairo Capital Club إنشالله حتى نادى الشمس.. أرجوك ما تنزلش من بيتكم يوم عيد الشرطة.. إنت تنزل فى الـ«New Year» أو فى الـ«Valentine»، أو فى عيد ميلاد ملكة هولندا... يا عسل انت... مالك ومال الكلام ده؟.
الإخوة بتوع مدارس الـAIS والـCAC والـBISC أو بتوع جامعات الـAUC والـMIU والـMSA أو أى حد كان فى مدرسة أو جامعة إسمها عبارة عن تلات أو أربع حروف إنجليزى لازقين فى بعض. ده مش يومك يا معلم.. سيب الطلعة دى لبتوع معهد تعاون ومدرسة أحمد لطفى السيد.. إنت أقعد فى البيت واعمله Movie Night.
البهوات اللى بيستعملوا كلمات من نوع Oh my God وBitch وDuh وTalk to the hand وبيقول I’m going to pee بدل أنا رايح.. Dude «......» أرجوك.. Stay Put.
أى حد بيتفرج على So you think you can dance أو Dancing with the stars أو T Glee أو حتى Grey’s Anatomy... يوم 25 يناير MBC4 هايجيبوا ماراثون Desperate House Wives.. اوعى تتحرك من مكانك.
أى بنى آدم يعرف مين هى Hanna Montana أو يعرف مين همّ Rachel وChandler وJoey.. واسم Mr. Big مش بيفكره بمحل جزم فى الوايلى.. إضرب حد واتنين أجازة.. وخليه Long weekend واطلع ع الجونة».
الثورات يبدأها الجياع والمطحونون.
المصدر
- مقال: نصائح ساخرة لأولاد الذوات موقع الشروق الجديد
