غسل الإيدين بالدم
كفر الشيخ اون لاين | خاص
غسلت إيدك يا سيسي من دمِّنا بالدَّم
شيِّلتنا م الهموم على همِّنا ميت هم
دبحت منَّا الشباب وقتلت من غير ذنب
واللي يفوته رصاصك في السجون يتلَم
حرَّقت قلب العذارى والأب ويَّا الأم
خنت الرئيس اللي صان العِرض حفظ الدم
قسِّمتنا شعبين .. ربين حسب قولكم
وشعبنا له رب ..شعبك شديد الظلم
وربنا المعبود .. حرَّم علينا الظلم
شعبك بيرقص لك .. وهز وسط وغمّ
وشعبنا يعارضك .. ومسببين لك هم
شعبك دا نور العين وطبيعي أحبابك
طلعوا في سهرة بليل ومكرهم جابك
شعبك ينافق ويرقص ..فاتح لهم بابك
وشعبنا له رئيس مهما يطول انقلابك
هنرجعوه بالعزيمة رغماً عن أسيادك
وكمان لنا دستور فاكر لغيته جنابك
عينت لك طرطور وعشان كدا سابك
كل اللي عارضك بتسوق عليهم كلابك
القتل عندك يا سيسي منهج لكم منقول
شعبك بيقتل بإيدك .. وشعبنا المقتول
شعبك بيعبد بيادة معفنة ونجسة
وشعبنا في عبادة ربنا مشغول
رب البرايا اللي قدر لك قوتك قادر عليك
يجمد الدم ف عروقك يسحب النور من عينيك
وتقعد أعمى وكسيح مقطوعة من جسمك إيديك
وتطلب الموت ما تلاقيه ولا ربنا يشفيك
وتتكوي بنار الخيانة وتفقد الغالي عليك
وما تهنا ولا يوم بنعمة طول ما نَفَسَك فيك
تطلع من الدنيا بفضايح يتجرَّس أهلك بيك
ما تلقى مسلم في غُسلك ولا دعوة توصل ليك
ولا تلقى واحد موحِّد يرضى يصلي عليك
المصدر
- مقال:غسل الإيدين بالدمموقع:كفر الشيخ أون لاين
