شر البلية ما يضحك
فى تنظيم 1945 وبعد الاحكام فر رجل فلاح غلبان لايفقه شىء اخذ ظلما وعدونا لايعرف إخوان ولا غيره
كان نصيبه 10 سنوات مع ايقاف التنفيذ وهو لايعرف يعنى ايه ايقاف التنفيذ وعند الرجوع الى المعتقل اخذوا يصنفون الاحكام اللى خد اعدام يجى هنا واللى خد 10 سنوات يجى هنا ، هذا الرجل الغلبان ذهب مع اللى خدوا 10 سنوات ومرت الشهور وبعدين قال لأحد الإخوان انا اخدت 10 سنوات مع ايقاف التنفيذ يعنى ايه قال له يعنى تخرج فورا وكتب الإخوان له التماسات ولكن لا جدوى حتى اتم العشر سنوات.
قصه أخرى
كان الإخوان يأخذون فسحه فى فناء السجن وكان هناك برج عالى فصعد احد الاخوان البرج وكان الهواء منعشا فنام حتى دخل الليل فخاف ان ينزل فأكمل نومه بالبرج واثناء التمام وجدوا عدد الاخوان ينقص واحد ففتحوا باب المعتقل وأول رجل يمر اخذوة ليتمموا العدد وفى اثناء فسحة اليوم الثانى نزل الاخ من البرج ودخل مع اخوانه دون ان يعرف احد وفى اثناء التمام وجدوا مسجون زيادة فعرفوا الحقيقه فأخرجوا الرجل وبعد علقه كويسه قالوا أوعه تيجى هنا تانى ، هذه حقائق تدل على الغباء.
1 – الشاويش : بتشتغل إيه يا معتقل بره
الأخ : وكيل حسابات
الشاويش : بتعرف تقرا وتكتب
2 – الضابط يجمع المعتقلين بعد السماح للطلبة فقط بكتاب دراسي :
الضابط : فين المعتقل فلان الفلاني .
الأخ : أفندم
الضابط : أنت عاوز كتاب إيه
الأخ : كتاب الطب الشرعي
الضابط : أنت ف كلية إيه
الأخ : كلية الطب
الضابط : طيب . الكتب الدينية ممنوعة يا بهايم كلكم قال طب شرعي قال
3 – العسكري : إنت من محافظة إيه يا معتقل
الأخ : من محافظة إسكندرية يا أفندي
العسكري : منينهي بلد ف محافظة إسكندرية
الأخ : الحضرة مركز كرموز يا أفندي
4 – إخوان زنزانة : من فضلك يا شاويش واحد ينزل يجيب لنا شوية ميه
العسكري : ممنوع
أحد الإخوان : ماعندناش ميه من أمبارح إلهي تشرب زقوم
العسكري : مش بكلامكم حا أشرب زقوم غصب عنكم
5 – أشار عسكري جلاد إلي عسكري مسجون جنائي ثم ضربه بالكرباج –
المسجون محتج : إيه دا بقي إنت فاكرني معتقل إخوان ... الحمد لله أنا مجرم يا أفندي .
6 – الشاويش : يا عسكري بلاش زحمة المعتقلين ع الأدبخانات والحنفيات فاضية
العسكري : نعمل إيه يا أفندي
الشاويش : ناس يدخلوا الأدبخانات وبعدين يتوضوا وناس يتوضوا وبعدين يدخلوا الأدبخانات
7– كان إخوان الـ400 زنزانة يتجاوب روحي يبدأون قراءة سورة يس عقب صلاة العشاء كل ليلة وكأن حلقة واحدة تجمعهم فاهتزت إدارة السجن وشنت حملات تجسس وهم ينتعلون (الكاوتش) وبقيادة حمزة البسيوني وذلك لضبط الإخوان متلبسين بهذه الجريمة التي تهدد النظام وبعد أيام دخل عسكري زنزانة .
العسكري : كنتو بتقروا عدية يس علي مين
أخ : ع البق عشان يموت
العسكري : ومات
الأخ : تعالي شوف بنفسك
العسكري لا يجد أثر للبق فيخرج مسرعا
العسكري : والمصحف انتو بتسحروا أمال بقي لو قريتو البخاري
8 – أحد العساكر يضرب إخوانا في زنزانتهم أثناء الصلاة فرحا بكرباجه الجديد وهو يقول :
العسكري : بتصلوا وتسرقوا الجهاز السري
9- فتح الشاويش باب الزنزانة فوجد الأخ الذي بها (إنفرادي) يصلي ولم يقطع الصلاة فضربه بكرباجه الطويل فالتف حول عنقه ثم جذبه من الصلاة قائلا :
الشاويش : إنت بتبدي ربنا عني يا ابن الكلب
10- الشاويش : شغلتك إيه يا معتقل
الأخ: محامي يا أفندي
الشاويش : أمال سيادة القائد قال لك إزيك يا دكتور ليه
الأخ : أنا دكتور محامي
الشاويش : يا سلام عشان إن مانفعتش دي تنفع دي
11- عسكري التمام يمر وهو يضرب أبواب الزنازين بالكرباج
العسكري : كام هنا ياله
الإخوان : ستة يا أفندي
العسكري : كام هنا ياله
الإخوان : سبعة يا أفندي
العسكري : ياولاد الكلب فين ساتتكو
12- أثناء الفسحة في معتقل مزرعة طره وضع أحد المعتقلين يده علي عنق حمار الكارو التي تحمل لوازم المستشفي .
العسكري صائحا : خليك بعيد يا معتقل
أحد الإخوان : تعالي هنا ماتوديش الحمار في داهية
13- كنا في صالة العنبر نستمع إلي البلاغات الحربية من مكبر للصوت أثناء حرب النكسة وكان شاويش العنبر يجلس علي تخته السماعة عند إذاعة البيان الذي جاء فيه ( لا تزال قواتنا تقاوم بسالة خط الدفاع الثاني ) .
الشاويش : يصيح وهو ينظر إلينا شامتا
أيوه كده ... عقبال الثالث إن شاءالله
