اعترف
كفر الشيخ اون لاين | خاص
قوم اعترف .. بالاعتراف الدين خفيف
يا مرسي لازم تعترف إنك شريف
عايز تخلي المصري في العالم نضيف
عايز تخلي الدين بيحكمنا على النهج الحنيف
ويكون رئيسنا والوزارة والقضا فيها عفيف
والجيش يحافظ ع الحدود
والشرطة عن شعبك تذود
ثروة بلادي عدل توزيعها يسود
وما نلاقيش عانس ولا عاطل ولا ساكن لحود
وما يتبنيش ع النيل سدود
والأقصي يوم لينا يعود
وما ننحني يوم للصليب ولا لليهود
قوم اعترف إنك قوي ما أنتش ضعيف
وكنت عايز بالعرق تنتج سلاحك والرغيف
قوم واعترف إنك أسد جمعوا عليك كل السيوف
وعشان يكون دبحك حلال وما مفيهش خوف
كل الحمير والسيسي قالوا عليك خروف
بس اللي حيرني يا مرسي وإخوانك ألوف
لمَّا أنت جامد في السياسة ليه نشوف
حزبك يجيبك في الترشح ليه رديف
قوم واعترف
إنك لأهل الحق طول عمرك حليف
وإن غيرتك ع الوطن غيرة شريف
وإن سيرتك عمرها ما تلوثت ولا يوم بزيف
وتعترف إنك مع الناس كلها مألوف أليف
قوم اعترف
إن اللي ثبت قلبك المولى اللطيف
إن اللي وصلك بالإله حبله المنيف
واللي يعاديك وصلاه بيادة بحبل ليف
قوم واعترف إنك بتستعرض علينا قوتك
قوة إيمانك واعتصامك والثبات على سكتك
وقوتك موصوله بالحق القوي من قوته بيقوِّتك
وبعد ربك شعب صامد للمدى بتثبته ويثبتك
كل القضاة اتزلزلوا من شمختك في وقفتك
والعسكر المستني تتنازل يبوسوا جزمتك
وتعيش سعيد برَّه بعيد ويخلصوا من طلتك
ويشرعنوا للإنقلاب لو نالوا منك كلمتك
شوكة في حلق الإنقلاب صابر وثابت حضرتك
كل العبيد ليه مقهورين تحرق قلوبهم بسمتك
قوم اعترف ليه كل أفعال الخسيس ما هزتك
يا مرسي حاول تعترف
إنك بقيت رمز الرجولة والثبات
زرعت في الثوار أمل واليأس مات
علمتنا إن الثبات أول طريق الإنجازات
علمتنا إن الكبير يفضل كبير حتى الممات
علمتنا إن الكرامة والشرف أغلى السمات
عايز تحافظ ع البنات
وتجيب لنا حق اللي مات
وتنطفي ف قلوب ثكالى ثورتك كل الآهات
وتقتل الخوف والسكات
عايز ترجَّعنا لعهد الإنجازات
عهد الريادة والقيادة والسيادة والثبات
أيام عمر أيام قطز أيام صلاح هذي القامات
وينتهي من مصرنا عهد السبات
ننهض بهمة للعمل ندي الكتير وتقل هات
قوم واعترف إنك ما كنتش يوم جبان
ولا كنت خاين أو عميل للأمريكان
وإن حلمك تربية على سنة العدنان
تحكم بلادي والبشر بالسنة والقرآن
ويسود ربوع كل البلاد العدل والإحسان
ويحس كل اللي عايش إنه بقى إنسان
والواسطة ترحل بعيد والعدل يبقى ميزان
وابن البلد باجتهاده يوصل لأي مكان
شرطة قضا جيش معيد وكله بالإمكان
كل الحقوق تتحفظ وما يبقى بيننا مهان
والعفة فينا تسود والعرض كله مصان
والمولى يرضى عن الحاكم إذا ما خان
يا مرسي ربك يزيدك أمان مع اطمئنان
ويمكن الشرع يحكم ونحرر الأوطان
ويجمع الله حبايبه في الدنيا ع الإيمان
في جنة الخلد ننعم على السرر أخوان
دكتور/ الغباشي الشرنوبي العطوي
المصدر
- مقال:اعترفموقع:كفر الشيخ أون لاين
