استعرض مصدر السيسي في مجموعة العشرين .. (لماذا تمت دعوته)

'''<center><font color="blue"><font size=5>  السيسي في مجموعة العشرين .. (لماذا تمت دعوته)  </font></font></center>'''


[[ملف:السيسي في مجموعة العشرين.jpg|220بك|يسار]]
'''أحمد محسن'''

'''( الاثنين, 5 [[سبتمبر]] [[2016]])'''


الاول لازم نعرف ان مجموعة العشرين دي بتمثل اهم اكبر اقتصاديات دول في العالم .. واللي بيملكوا اكتر من ٩٠ ٪‏ من الناتج العالمي الخام اللي هو مجموع الناتج المحلي لكافة دول العالم .

مرجع : http://goo.gl/82xBmt

كان الاول عددهم ٨ واسمهم التمانية الكبار وهم ( امريكا - اليابان - المانيا - روسيا - ايطاليا - بريطانيا - فرنسا - كندا ) لكن بسبب الازمات المالية في التسعينات فعملوا مجموعة العشرين لتعزيز التماسك الاقتصادي بضم عدد من الدول اللي بقت لها ثقل اقتصادي عالمي .. وبقت مجموعة العشرين مكونة من ( امريكا - الصين - اليابان - المانيا - فرنسا - البرازيل - بريطانيا - ايطاليا - روسيا - كندا - الهند - استراليا - كوريا الجنوبية - اندونيسيا - المكسيك - [[تركيا]] - الارجنتين - السعودية - جنوب افريقيا - مندوب عن الاتحاد الاوربي ) . 

مرجع : http://goo.gl/lzBjiN

بيحضر المؤتمر رئيس كل دولة ومعاه وزير مالية دولته ورئيس البنك المركزي له .. وعلى جانب اخر الاف من رجال الاعمال والاقتصاد في العالم لعمل استثمارات مع الدول الكبيرة دي ..

مرجع : http://goo.gl/w1fFCx

امال فين [[مصر]] ياعم الحاج مجيبتش سيرتها يعني ولا انت مش مصري ؟

كل سنة فيه دولة من الدول العشرين بتستضيف باقي الدول وكمان بتبعت دعوة لعدد من الدول بس مش من الدول العشرين .. يعني حسب مزاجها هي وبدون موافقة اي حد من العشرين دول .. يعني مثلا السنة اللي فاتت ( [[تركيا]] ) كانت الدولة المستضيفة فدعت رؤساء كل من ( اذريبجان وماليزيا وسنغافورة ) ومعاهم ( موجابي ) بتاع زيمبابوي !!! .. بييجوا الرؤساء دول يتغدوا مرتين ويهيصوا .. بس ماينفعش يفتحوا بؤهم بقرار في الاجتماعات اللي هيحضروها .. ماعدا الاجتماعات الهامشية اللي ممكن يعملوها مع اي رئيس من الكبار شرط قبوله الدعوة .

مرجع : http://goo.gl/NK1hf5

السنة دي ( الصين ) استضافت الاجتماع واختارت كام دولة من ام فوق البيعة دول وهم ( [[مصر]] ) و ( السنغال ) و ( تشاد ) وكام دولة تانية حلوين .. ودي اول كذبة بتقول ان الاستضافة هي دليل زعامة من الرئيس الفلاني او قوة اقتصادية من دولة فلانية .. ( تشاد والسنغال ) من افقر دول العالم .. لكن الصين شايفاهم هم و[[مصر]] مصادر مواد خام واستثمارات من نوع معين من بتاع اليد العليا واليد السفلى .

مرجع : http://goo.gl/sHnNKw

دور [[مصر]] في القمة مش هيكون اكتر من متفرج على اللي بيقولوه الكبار وشوية اجتماعات هامشية مقررة لكن للاسف لسه متعملتش ومش باين لها .. زي اللقاء مع روسيا وامريكا وغيرهم .. اما اللي تم الاعلان عنه هو ان السيسي قابل رئيس الارجنتين !! .. ودي الدولة اللي عندها دلوقتي اكبر ازمة ديون في تاريخها .
مرجع المقابلة : http://goo.gl/CDt1mW

مرجع ازمة الديون الارجنتينية : http://goo.gl/e2X4Er

استقبال السيسي تم كاستقبال اي رئيس دولة مستضافة .. ببروتوكل عادي ولا بحفاوة زي ما الهبل بيقولوا .. ولا بفتور زي ما الكارهين بيقولوا .. طيارة بتنزل على نفس السجادة الحمرا والرئيس وزوجته بيقابلوا الرؤساء واطفال بيدوهم ورود .

مرجع : http://goo.gl/O3ADQ1

بالرغم من ان السيسي بيحضر كل الاجتماعات وبيروح كل الدول دي عشان عايز ينجح بجد .. لكن للاسف بيظهر كتير بشكل سيء .. فهو اولا لا يجيد اللغة الانجليزية فبيقف بابتسامة الشخص اللي مش عارف بيقولوا ايه من حواليه .

صورة : http://goo.gl/apNrsq

بخصوص الصورة المتداولة من دراويش السيسي على ان اوباما راح له وهو بيكلم هولاند عشان يسلم عليه .. فده طبعا هبل في الجبل .. لان الفيديو الكامل للقطة دي ان اوباما عدى عليهم ولا سلم لا على ده ولا على ده وراح وقف في مكانه اقصى اليسار .. وكان شكل السيسي هيموت ويمد ايده له وده باين من نظرته له .. وتكبير دماغ اوباما وهو ماشي .

مرجع : http://goo.gl/DJbVP6

الصحف المصرية قبل الاجتماع قرنت 3 اسماء مع بعض قال يعني هيقابلوا بعض كقادة متساويين وكده .. وهم ( بوتين و اردوغان والسيسي ) .. فقامت من شوية الصحف الروسية والتركية مطلعه لقاء بوتين واردوغان ونتايجه الهائلة على اقتصاد البلدين وسياساتهم الجديدة .. وحلول لخلافتهم وطبعا ولا حد فيهم قابل السيسي .

مرجع : http://goo.gl/rQY1iY

رأس هرم امتهان الكرامة المصرية هو اللي عمله السيسي لما وقف مستني دوره يسلم على اوباما وهو واخد الرئيس الهندي بالحضن .. وجت منسقة الاحتفال الصينية وخدت الرئيس اللي قبل السيسي وعملت زي حاجز بشري عشان السيسي يمشي .. لكن اصر انه يسلم على اوباما بشكل مهين وذليل مفيش مصري هينساه طول فترة بقاء السيسي .

مرجع : http://goo.gl/Gwzcq0

'''أخيرا ..'''

رؤساء الدول هم مصدر عزتها وكرامتها في المحافل الدولية .. واي خطأ ولو بسيط بيظهر الدولة نفسها بشكل مهين قدام كل الدنيا .. وتابعوا الصحف بكره وبعده وشوفوا مقلتة العالم علينا .. وهبل دراويش السيسي في الصحف ووسائل الاعلام بتاعتهم لادعاء اي مبررات هبيلة وأهطل منها مافي .

==المصدر==

*'''مقال:''' [https://www.egyptwindow.net/Articles/18879/Default.aspx    السيسي في مجموعة العشرين .. (لماذا تمت دعوته) ] '''موقع نافذة مصر'''

[[تصنيف:تصفح الويكيبيديا]]
[[تصنيف:مقالات نافذة مصر]]